महाराष्ट्र २४ । ऑनलाईन । दि. २७ मे । नागपुरात मे महिन्यात तापणारा उन्हाळा यंदा दिलासा देणारा ठरला आहे. दरवर्षी मे महिन्यात सूर्य कोपल्याने दिसून येणारे ४५ आणि ४६ अंश सेल्सियस असं प्रचंड तापमान यंदा थंडावलं आहे. यामुळे नागरिक चांगलेच सुखावले आहेत.
या वर्षी मे महिन्यात नागपूरचा उच्चांकी पारा ४२. २ चा टप्पाही ओलांडू शकलेला नाही. त्यामुळे यंदा ‘ज्यादा गरम चल रहा क्या बे’ हा संवाद कमीच एकू येत आहे. विशेष म्हणजे नागपुरात गेल्या १० वर्षांमध्ये मे महिन्यात इतक्या कमी तापमानाची नोंद करण्यात आली आहे.
गेल्या वर्षीच्या तुलनेत या तापमानात तब्बल ४ अंशांची घट नोंदविली गेली आहे. त्यामुळे यावर्षी पाराच गरम न झाल्याने त्याचा मान्सूनवर परिणाम होईल, अशी भीती ही व्यक्त केली जात आहे.
मोठी बातमी! मराठा आरक्षणासाठी संभाजीराजे घेणार राज ठाकरेंची भेट
दोन वर्षांतील नागपुरातले तापमान
२१ मे- ४४.२- ३९.०
२२ मे-४४.५-४०.९
२३ मे-४५.६-३९.९
२४ मे-४६.५-४१.३
२५ मे-४६.७-३९.४
२६ मे- ४७.००-४१.००
दरवर्षी तापणारा उन्हाळा यंदा सौम्यच असल्याने नागपूरकरांनी यंदा उन्हाळ्यात कुलरही बाहेर काढलेले नाहीत. त्यामुळे एकीकडे नागपूरकरांना उन्हाच्या झळांपासून यंदा दिलासा मिळालेला असला तरी पाऊस कमी होण्याची भिती व्यक्त होत आहे.