महाराष्ट्र २४ । विशेष प्रतिनिधी । दि. ४ ऑगस्ट । सोने-चांदीचे भाव आज शुक्रवारी 06 ऑगस्ट रोजी पुन्हा एकदा कमी झालेत. अशा परिस्थितीत जर तुम्ही सोने खरेदी करण्याचा विचार करत असाल तर ही एक चांगली संधी आहे. मल्टी कमोडिटी एक्सचेंजवर (MCX) ऑक्टोबरमध्ये डिलिव्हरीसाठी सोने 0.26 टक्क्यांनी घसरून 47,480 रुपयांवर आले. यासह चांदीमध्येही मोठी घसरण दिसून आली.
10 ग्रॅम सोन्याचा भाव काय?
मल्टी कमोडिटी एक्सचेंजवर (MCX) ऑक्टोबरमध्ये डिलिव्हरीसाठी सोने 0.26 टक्क्यांनी घसरून 47,480 रुपये प्रति 10 ग्रॅम झाले.
आज चांदीची किंमत
जर चांदीबद्दल बोलायचे झाल्यास आज त्याच्या किमतीत लक्षणीय घट झाली. आज 1 किलो चांदीची किंमत 0.41 टक्के घसरल्यानंतर 66,720 रुपयांवर आली.
सोने 90,000 रुपयांची पातळी ओलांडणार
कोरोना विषाणूविरुद्ध लसीकरणाच्या गतीमध्ये वाढ झाल्यामुळे जगभरात सोन्याच्या किमतीत वाढ झाली. दरम्यान 25 कोटी डॉलरच्या क्वाड्रिगा इग्निओ फंड हाताळणारे डिएगो पॅरिला म्हणतात की, पुढील 3-5 वर्षांत सोन्याचे भाव दुप्पट होतील. या दरम्यान सोन्याची आंतरराष्ट्रीय किंमत 3000 ते 5000 डॉलर प्रति औंसपर्यंत पोहोचू शकते. जर आपण भारताच्या दृष्टिकोनातून डिएगोचा अंदाज समजून घेतला तर पुढील 5 वर्षांत सोन्याचे भाव प्रति 10 ग्रॅम 90,000 रुपयांची पातळी ओलांडू शकतात.