महाराष्ट्र २४ । विशेष प्रतिनिधी । दि .४ डिसेंबर । सध्या लग्नसराईचा सीजन सुरू असून अनेक जण मोठ्या प्रमाणात सोन्याची खरेदी करत आहेत. सध्या सोनं आपल्या रेकॉर्ड स्तरावरुन स्वस्तात मिळत आहे.इंडियन बुलियन अँड ज्वेलर्स असोसिएशनच्या वेबसाइटनुसार, २४ कॅरेट सोन्याचा भाव ४७५३० रुपये आहे. २३ कॅरेट गोल्डची किंमत ४७३४० रुपये आहे.आता २२ कॅरेट सोन्याचा भाव ४३५३७ रुपये आहे. १८ कॅरेटचा ३५,६४८ रुपयांवर पोहोचला आहे. १४ कॅरेट गोल्डचा रेट २७,८०५ रुपये आहे. तर चांदी वायदा भाव ६१,२९६ प्रति किलोग्रॅम आहे.
विशेष म्हणजे सोन्याचा भाव जगातील कोणतेही सरकार ठरवत नाही. भाव ठरवण्याचा कोणताही कायदेशीर नियम नाही. सोन्याचा भाव केवळ आंतरराष्ट्रीय बाजारावर अवलंबून असतो. बरोबर शंभर वर्षांपूर्वी म्हणजे १९१९ साली लंडनच्या पाच मोठ्या बुलियन ट्रेडर्सनी एकत्र येऊन सोन्याचे भाव निश्चित करण्याची पद्धत सुरू केली.