महापरिनिर्वाण दिनानिमित्त रेल्वेकडून विशेष गाड्याची सोय, असं असेल वेळापत्रक

महाराष्ट्र २४ । विशेष प्रतिनिधी । दि. ५ डिसेंबर । उद्या भारतरत्न डॉ. बाबासाहेब आंबेडकर (Dr. Babasaheb Ambedkar) यांच्या महापरिनिर्वाण दिनानिमित्त (Mahaparinirvan Din) रेल्वे प्रशासनानं लोकल रेल्वेची विशेष सोय केली आहे. उद्या रेल्वेकडून 8 उपनगरीय विशेष गाड्या (Mumbai Local) चालवण्यात येणार आहेत.

6 डिसेंबरला दादरमध्ये येणाऱ्या अनुयायांसाठी रेल्वेकडून विशेष सुविधांचे नियोजन करण्यात आलं आहे. 5 आणि 6 डिसेंबरच्या मध्यरात्री छत्रपती शिवाजी महाराज टर्मिनस-कल्याण आणि छत्रपती शिवाजी महाराज टर्मिनस-पनवेल स्थानकांदरम्यान मध्य रेल्वे प्रवाशांकरिता 8 उपनगरीय विशेष गाड्या सर्व स्थानकांवर थांबतील.

असं असेल विशेष लोकलचं वेळापत्रक

कल्याण- छत्रपती शिवाजी महाराज टर्मिनस – विशेष कल्याण येथून 1 वाजता सुटेल आणि छत्रपती शिवाजी महाराज टर्मिनस येथे 2.30 वाजता पोहोचेल.

कल्याण- छत्रपती शिवाजी महाराज टर्मिनस विशेष कल्याण येथून 2.15 वाजता सुटेल आणि छत्रपती शिवाजी महाराज टर्मिनस येथे 3.45 वाजता पोहोचेल.

छत्रपती शिवाजी महाराज टर्मिनस – कल्याण विशेष छत्रपती शिवाजी महाराज टर्मिनस येथून 1.30 वाजता सुटेल आणि कल्याण येथे 3.00 वाजता पोहोचेल.

छत्रपती शिवाजी महाराज टर्मिनस – कल्याण विशेष छत्रपती शिवाजी महाराज टर्मिनस येथून 2.30 वाजता सुटेल आणि कल्याण येथे 4 वाजता पोहोचेल.

हार्बर मार्गावरील विशेष सोय

पनवेल- छत्रपती शिवाजी महाराज टर्मिनस विशेष पनवेल येथून 1.15 वाजता सुटेल आणि छत्रपती शिवाजी महाराज टर्मिनस येथे 2.30 वाजता पोहोचेल.

पनवेल- छत्रपती शिवाजी महाराज टर्मिनस विशेष पनवेल येथून 2.30 वाजता सुटेल आणि छत्रपती शिवाजी महाराज टर्मिनस येथे 3.50 वाजता पोहोचेल.

छत्रपती शिवाजी महाराज टर्मिनस – पनवेल विशेष छत्रपती शिवाजी महाराज टर्मिनस येथून 1.40 वाजता सुटेल आणि पनवेल येथे 3.00 वाजता पोहोचेल.

छत्रपती शिवाजी महाराज टर्मिनस – पनवेल विशेष छत्रपती शिवाजी महाराज टर्मिनस येथून 2.40 वाजता सुटेल आणि पनवेल येथे 4.00 वाजता पोहोचेल.