महाराष्ट्र २४ । विशेष प्रतिनिधी । दि .२८ डिसेंबर । आयकर विवरणपत्र (Income Tax Return) दाखल करण्याची शेवटची तारीख (Income Tax Return last date) 31 डिसेंबर आहे. त्यामुळे या तारखेपूर्वी हे काम पूर्ण करणं तुमच्यासाठी अत्यंत महत्त्वाचे आहे. जर तुम्ही या तारखेपर्यंत आयटीआर दाखल केला नाही तर काय होईल? या प्रश्नाचे उत्तर तुम्ही माहिती करून घेणे आवश्यक आहे. जर तुम्ही वर्षअखेर आयटीआर भरला नाही तर तुम्हाला दंड भरावा लागेल.
दंड किती भरावा लागेल माहित करुन घेण्यापूर्वी हे जाणून घेणे आवश्यक आहे की सरकारने यावेळी कोरोनासह उद्भवलेल्या इतर समस्यांमुळे नेहमी असणारी आयटीआर भरण्याची तारीख 31 जुलैवरुन 31 डिसेंबरपर्यंत वाढवली आहे. 26 डिसेंबर रोजी समोर आलेल्या आकडेवारीनुसार आतापर्यंत 4.51 कोटीपेक्षा जास्त करदात्यांनी रिटर्न भरला आहे. केवळ 26 डिसेंबर रोजीच 8.7 लाख जणांनी आयटीआर भरला आहे.
वरील आकडेवारी जाहीर करताना आयकर विभागाने उर्वरित लोकांना लवकरात लवकर आयटीआर भरण्याचा सल्ला दिला आहे. तुम्ही वेळेनंतर आयटीआर भरलात तर दंड भरावा लागेल, हे टाळण्यासाठी 31 डिसेंबर 2021 पर्यंत आयटीआर दाखल केलात तर फायद्यात राहाल.
आयकर रिटर्न भरण्याची डेडलाइन 31 डिसेंबर 2021 नंतर जर तुम्ही 2021-22 अॅसेसमेंट ईयरसाठी इन्कम टॅक्स रिटर्न भरला तर तुम्हाला 5000 रुपये पेनल्टी द्यावी लागेल. इन्कम टॅक्स कायदा सेक्शन 234F मध्ये याबाबत नमुद करण्यात आले आहे. जर 31 मार्च 2022 नंतरही तुम्हाला 2021-22 अॅसेसमेंट ईयरसाठी इन्कम टॅक्स रिटर्न भरता येईल, पण तुम्हाला 10000 रुपये दंड भरावा लागेल.
ज्यांचे एकूण उत्पन्न मूळ सवलतीच्या मर्यादेपेक्षा जास्त नाही, त्यांना ITR भरण्यास उशीर झाल्यास कोणताही दंड आकारला जाणार नाही. एकूण उत्पन्न (Gross Total Income) सवलतीच्या मूळ मर्यादेपेक्षा कमी असेल, तर रिटर्न उशीरा भरल्याबद्दल कलम 234F अंतर्गत कोणताही दंड लागणार नाही.