महाराष्ट्र २४ । विशेष प्रतिनिधी । दि. १० ऑगस्ट । आयएनएस विक्रांत प्रकरणी (INS Vikrant) भाजपचे नेते किरीट सोमय्या (Kirit Somaiya) आणि त्यांचा मुलगा निल सोमय्यांना यांना मुंबई हायकोर्टाकडून दिलासा मिळाला आहे. जामीन अर्जाची याचिका निकाली काढली आहे. अटक करण्याआधी 72 तासांआधी सोमय्यांना सांगावे लागणार आहे. या घोटाळ्याबद्दल कोणतेही पुरावे सापडले नसल्याचे मुंबई पोलिसांनी कोर्टात सांगितलं. पण कोर्टाने पुन्हा एकदा मुंबई पोलिसांसमोर चौकशीसाठी समन्स बजावला आहे.
पत्राचाळ प्रकरणामध्ये कोठडीत असलेले शिवसेनेचे खासदार संजय राऊत यांनी किरीट सोमय्या आणि त्यांच्या मुलावर आयएनएस विक्रांत निधी गोळा प्रकरणामध्ये गंभीर आरोप केले होते. या प्रकरणी आज कोर्टाने सोमय्यांना दिलासा दिला. तूर्तास आर्थिक घोटाळा केल्याचे कोणतेही पुरावे सापडले नाहीत, असं मुंबई पोलिसांचं हायकोर्टात सबमिशन केले आहे. मात्र किरीट आणि नील सोमय्या यांना अटक करण्यापूर्वी 72 तासांची नोटीस द्यावे, असे आदेश हायकोर्टाने पोलिसांना दिले आहे. हे आदेश देत सोमय्यांची अटकपूर्व जामीन याचिका हायकोर्टानं निकाली काढली आहे.
पण या प्रकरणी हायकोर्टाने आणखी एक समन्स सोमय्यांना बजावला आहे. मुंबई पोलिसांसमोर या प्रकरणात चौकशी करता हजर राहण्याचे नवं समन्स जारी करणार आहे. त्यामुळे किरीट सोमय्यांची 17 ऑगस्टला तर नील सोमय्यांची 18 ऑगस्टला आयएनएस विक्रात प्रकरणात पुन्हा चौकशी होणार आहे.