महाराष्ट्र २४ । विशेष प्रतिनिधी । दि. २७ ऑगस्ट । मुंबई-पुणे एक्स्प्रेस वेवर लोणावळा येथे घाटात अपघात झाला आहे. त्यामुळे वाहनांच्या रांगाच रांगा लागल्या आहेत. गणेशोत्सवामुळे मुंबईहून अनेक जण गावी जाण्यासाठी निघाले आहेत. त्यातच आज शनिवार आहे. त्यामुळे एक्स्प्रेस वेवर रहदारी जास्त आहे.
लोणावळ्यातील अमृतांजन पुलाजवळ झालेल्या अपघातामुळे वाहनांच्या रांगा लागल्या आहेत. दीड ते दोन किलोमीटरपर्यंत वाहतूककोंडी झाली आहे. पुण्याकडे जाणाऱ्या लेनमध्ये वाहनं अडकून पडली आहेत. गणेशोत्सव जवळ असल्यानं मुंबईबाहेर जाणाऱ्यांची संख्या जास्त आहे. सध्या पोलिसांकडून वाहतूक सुरळीत करण्याचं काम सुरू आहे.