महाराष्ट्र २४ । विशेष प्रतिनिधी । दि. २९ ऑगस्ट । चांद्रयान-3 मोहीम यशस्वी झाल्यानतंर आता इस्रो अर्थात भारतीय अंतराळ संशोधन संस्थेने सूर्याचा अभ्यास करण्याची अवघड मोहीम हाती घेतली आहे. इस्त्रोचे ‘आदित्य एल-1’ हे यान 2 सप्टेंबर रोजी सकाळी 11 वाजून 50 मिनिटांनी सूर्याच्या दिशेने झेपावणार आहे.
सूर्याचे तापमान, अतिनील किरणांचा पृथ्वीवर होणारा परिणाम, ओझोन थराची सद्यस्थिती, अंतराळातील हवामान, सौरवादळे आणि त्याचा पृथ्वीवर होणारा परिणाम अशा अनेक गोष्टींचा अभ्यास सौरमोहिमेच्या माध्यमातून करण्यात येणार आहे. यू.आर. राव उपग्रह केंद्रात तयार केलेला उपग्रह दोनच आठवडय़ांपूर्वी आंध्र प्रदेशातील श्रीहरीकोटा येथील इस्रोच्या स्पेस पोर्टवर पोहोचवण्यात आला आहे. 2 सप्टेंबर रोजी पीएसएलव्ही या प्रक्षेपकाद्वारे हा उपग्रह सूर्याच्या दिशने पाठवला जाणार असल्याची माहिती इस्रोने एक्सवरून (ट्विटर) दिली आहे.