महाराष्ट्र २४ ।। विशेष प्रतिनिधी ।। दि. १८ जुलै ।। आयकर विवरण पत्र (आयटीआर) दाखल करण्यासाठी फॉर्म-१६ हवा असतो. तुम्हाला कंपनीने फॉर्म-१६ वेळेत दिला नसेल तर तुमच्या बँकेच्या वेबसाइटवरून फॉर्म-१६ ए डाऊनलोड करता येतो.
फॉर्म-१६ मध्ये कर्मचाऱ्याच्या वेतनातून कापण्यात आलेल्या टीडीएसचे विवरण असते. जास्तीचा आयकर कापला गेला असेल, तर तो परत मिळण्यासाठी हे टीडीएस प्रमाणपत्र आवश्यक असते. ते उपलब्ध नसल्यास बँकेच्या वेबसाइटवरून फॉर्म-१६ ए डाऊनलोड करता येऊ शकते. स्टेट बँक ऑफ इंडिया (एसबीआय), एचडीएफसी बँक आणि आयसीआयसीआय बँक यांच्या वेबसाइटवर तो उपलब्ध आहे.
असा फाॅर्म १६ डाऊनलोड करा…
एसबीआय
वेबसाईटवर आपल्या खात्यात लॉग-इन करा.
‘माय सर्टिफिकेट्स’ पर्यायावर जाऊन ‘ई-सर्व्हिसेस’चा पर्याय निवडा.
‘इंटरेस्ट सर्टिफिकेट ऑन डिपॉझिट अकाउंट्स’वर क्लिक करा.
वित्त वर्ष निवडून सबमिट करा. ‘फॉर्म-१६ ए’ची पीडीएफ डाऊनलोड करा.
एचडीएफडीसी
एचडीएफसी बँकेची वेबसाइट https://netbanking.hdfcbank.com/netbanking/ वर लॉग-इन करा.
‘इन्क्वायर’वर जाऊन ‘टीडीएस इन्क्वायरी’वर क्लिक करावे.
वित्त वर्ष निवडीनंतर टीडीएस प्रमाणपत्र डाउनलोड करू शकाल.
आयसीआयसीआय
वेबसाइट www.icicibank.com वर जाऊन लॉग-इन करा.
‘टॅक्स सेंटर’वर ‘पेमेंट्स अँड ट्रान्सफर’ निवडा.
पेजवर ‘टीडीएस सर्टिफिकेट’वर क्लिक करा.
पॅन कार्ड तपशील भरा. टीडीएस प्रमाणपत्राची पीडीएफ डाऊनलोड करा.