महाराष्ट्र २४ ।। विशेष प्रतिनिधी ।। दि. २ नोव्हेंबर ।। सणासुदीचा हंगाम खास बनवण्यासाठी, Google Pay ने काही दिवसांपूर्वी एक उत्तम ऑफर सुरू केली आहे. Google Pay तुम्हाला Rs 1001 चा कॅशबॅक जिंकण्याची संधी देत आहे, ही ऑफर अजूनही लाइव्ह आहे, पण ती लवकरच संपणार आहे. आज आम्ही तुम्हाला गुगल पे ऑफरचा लाभ कसा घेऊ शकता आणि या ऑफरचा लाभ तुम्हाला किती दिवसांपर्यंत मिळेल हे सांगणार आहोत?
Google Pay च्या या ऑफर अंतर्गत तुम्हाला 6 वेगवेगळ्या प्रकारचे लाडू गोळा करावे लागतील. अधिकृत साइटवर दिलेल्या माहितीनुसार, Google Pay वापरकर्ते 51 ते 1001 रुपये जिंकू शकतात. तुम्ही देखील Google Pay द्वारे दररोज पेमेंट करत असाल तर तुम्ही या ऑफरचा लाभ घेऊन पैसे कमवू शकता. कॅशबॅकसाठी तुमच्याकडे 6 पैकी किमान एक लाडू असणे आवश्यक आहे. 21 ऑक्टोबरपासून सुरू झालेल्या या ऑफरचा लाभ 7 नोव्हेंबर 2024 पर्यंत घेता येईल. याचा अर्थ अजून सात दिवस बाकी आहेत.
तुम्ही कोणत्याही व्यापाऱ्याला UPI द्वारे किमान 100 रुपये भरल्यास, तुम्हाला लाडू मिळू शकतो. याशिवाय तुम्ही मोबाईल फोन रिचार्जवर किंवा UPI द्वारे 100 रुपयांचे पोस्टपेड बिल पेमेंट करून लाडू देखील मिळवू शकता. तुम्ही UPI द्वारे किमान 3,000 रुपयांचे क्रेडिट कार्ड बिल भरून किंवा भागीदार ब्रँडकडून किमान 200 रुपयांचे गिफ्ट कार्ड खरेदी करून देखील लाडू मिळवू शकता.
तुमच्याकडे किती लाडू आहेत हे तुम्हाला जाणून घ्यायचे असेल, तर त्यासाठी तुम्हाला Google Pay ॲप उघडावे लागेल आणि नंतर ऑफर्स आणि रिवॉर्ड सेक्शनमधील लाडू पर्यायावर क्लिक करावे लागेल. यानंतर तुम्ही किती लाडू जमा केले आणि किती गोळा करायचे बाकी आहेत? याची सर्व माहिती मिळेल. तुम्हाला या ऑफरशी संबंधित अधिक माहिती https://support.google.com/pay/india/answer/15544235 वर मिळेल.