महाराष्ट्र 24 | विशेष प्रतिनिधी | दि. १३ फेब्रुवारी २०२६ || भारतीय रेल्वेने लोकल प्रवाशांसाठी मोठा बदल जाहीर केला आहे. आतापर्यंत वापरात असलेलं UTS (Unreserved Ticketing System) अॅप लवकरच बंद होणार असून, त्याऐवजी Rail-One हे अधिकृत अॅप वापरण्याचे आवाहन रेल्वे प्रशासनाने केले आहे. लोकल, प्लॅटफॉर्म आणि आरक्षित तिकिटांसाठी एकाच अॅपमधून सेवा मिळणार असल्याने प्रवाशांना मोठा दिलासा मिळणार आहे. मात्र, अनेक प्रवाशांच्या मनात प्रश्न आहे—तिकीट कसं काढायचं? तर ही आहे संपूर्ण प्रक्रिया, अगदी सोप्या स्टेप्समध्ये.
स्टेप 1: Rail-One App डाउनलोड आणि लॉगिन
सर्वप्रथम Google Play Store वरून Rail-One App डाउनलोड करा.
अॅप उघडल्यानंतर:
तुमचा मोबाईल नंबर
UTS अॅपसाठी वापरत असलेला User ID आणि Password टाका
लॉगिन पूर्ण होताच UTS अॅपमधील R-Wallet मधील शिल्लक रक्कम आपोआप Rail-One मध्ये ट्रान्सफर होईल. त्यामुळे वेगळं काही करण्याची गरज नाही.
स्टेप 2: तिकीट प्रकार निवडा
लॉगिननंतर मुख्य स्क्रीनवर तुम्हाला तीन पर्याय दिसतील:
Reserved – लांब पल्ल्याच्या प्रवासासाठी
Unreserved – लोकल किंवा दैनंदिन प्रवासासाठी
Platform – प्लॅटफॉर्म तिकीटासाठी
लोकल तिकीट काढण्यासाठी Unreserved या पर्यायावर क्लिक करा.
यानंतर:
Normal – एकदिवसीय/तात्पुरता प्रवास
Season – मासिक किंवा वार्षिक पास
तुमच्या गरजेनुसार पर्याय निवडा.
स्टेप 3: स्टेशन आणि प्रवासाचा तपशील भरा
तुम्ही ज्या स्टेशनवर आहात ते From Station निवडा
जिथे जायचं आहे ते To Station निवडा
यानंतर Proceed to Book वर क्लिक करा.
आता:
First Class किंवा Second Class निवडा
प्रवासाची खात्री करून Book Now वर क्लिक करा.
स्टेप 4: पेमेंट आणि तिकीट पाहणे
तिकीटासाठी पेमेंट करताना:
R-Wallet
UPI / Online Payment
यापैकी कोणताही पर्याय निवडू शकता. पेमेंट यशस्वी होताच तुमचं तिकीट बुक होईल.
बुक केलेलं तिकीट पाहण्यासाठी:
मुख्य स्क्रीनवर जा
खालील My Bookings या पर्यायावर क्लिक करा
तिथे तुमचं वैध तिकीट दिसेल.
📌 महत्त्वाचं:
Rail-One अॅपमुळे लोकल तिकीट काढण्याची प्रक्रिया अधिक सोपी, जलद आणि कागदविरहित होणार आहे. UTS बंद होण्यापूर्वीच Rail-One वापरण्याची सवय लावणं प्रवाशांसाठी फायद्याचं ठरणार आहे.