महाराष्ट्र २४ । विशेष प्रतिनिधी । दि. ३१ ऑगस्ट । आंतरराष्ट्रीय मौल्यवान धातूच्या किंमती आणि रुपयाच्या घसरणीमध्ये सुधारणा होत असताना १० ग्रॅम २२ कॅरेट सोन्याची किंमत सोमवारी १० रुपयांनी वाढून ४६,६६० रुपये झाली आहे. मागील ट्रेडमध्ये ह्या मौल्यवान धातूची किंमत ४६,६५० रुपये प्रति १० ग्रॅमवर बंद झाली होती. गुड रिटर्न्स या वेबसाइटनुसार चांदी ६३,८०० रुपये प्रति किलोने विकली जात होती. उत्पादन शुल्क, राज्य कर आणि मेकिंग शुल्कामुळे सोन्याचे दागिन्यांच्या किंमती भारतभर बदलतात.
गुड रिटर्न्स वेबसाईटनुसार मुंबईमध्ये २२ कॅरेट सोन्याची किंमत प्रति १० ग्रॅम ४६,६६० रुपये आहे. २४ कॅरेट सोन्याचा दरही वाढला आहे. मुंबईत २४ कॅरेट सोन्याची किंमत ४७,६६० प्रति १० ग्रॅम आहे. पुण्यात प्रति १० ग्रॅम २२ कॅरेट सोन्याचा दर ४५,८९० असेल तर २४ कॅरेट सोन्याचा दर ४९,१३० रुपये असेल. नागपूर मध्ये प्रति १० ग्रॅम २२ कॅरेट सोन्याचा दर ४६,६६० तर २४ कॅरेट सोन्याचा दर ४७,६६० रुपये इतका असेल. चांदीचा आजचा प्रती १० ग्रॅमचा दर ६३८ रुपये आहे. कालच्या आणि आजच्या दरामध्ये काहीच फरक झालेला नाही.
सर्वात महत्वाची गोष्ट म्हणजे सामान्य सोन्याचे दर आणि हॉलमार्क केलेल्या सोन्याच्या दरामध्ये कोणताही फरक नाही. तुम्हाला हॉलमार्क सोन्यासाठी कोणीही अतिरिक्त शुल्क घेत नाही. सामान्य सोने ज्या दराने विकले जाते तोच दर हॉलमार्क केलेल्या सोन्याचा असतो.
(वरील सोन्याचे दर सूचक आहेत आणि त्यात जीएसटी, टीसीएस आणि इतर करांचा समावेश नाही. अचूक दरांसाठी तुमच्या स्थानिक ज्वेलरशी संपर्क साधा.)