महाराष्ट्र २४ । विशेष प्रतिनिधी । २ डिसेंबर। देशाला हादरवून सोडणाऱ्या श्रद्धा खून प्रकरणामध्ये एक मोठी अपडेट आलेली आहे. श्रद्धाच्या मृत्यूबाबत डॉक्टरांना महत्त्वाचा पुरावा हवा आहे. त्याशिवाय तिच्या मृत्यूबाबत खात्री करता येणार नाहीये.
श्रद्धा वालकरचा डीएनए रिपोर्ट पुढील आठवड्यामध्ये अपेक्षित आहे. तसेच जंगलामध्ये सापडलेल्या हाडांची विशिष्टपणे तपासणी होईल, त्यानंतर ती हाडं श्रध्दाचीच असल्याची खात्री होईल. मगच तिच्या मृत्यूबद्दल स्पष्टता येईल, असं डॉक्टरांचं म्हणणं आहे.
अद्यापही श्रद्धाची कवटी आणि शरीराचे इतर भाग सापडलेले नाहीत. पोलिस त्यादृष्टीने तपास करीत आहेत. पोलिसांच्या सांगण्यानुसार त्यांना या प्रकरणामध्ये आणखी पुरावे सापडलेले आहेत. परंतु तपासामध्ये अडथळा येऊ शकतो म्हणून ते सांगतायेत नाहीत.
दरम्यान, आफताबची नार्को आणि पॉलिग्राफ चाचणी झालेली आहे. दोन्ही चाचण्यांसाठी आफताबने सहकार्य केलं. बहूतांश प्रश्नांची त्याने उत्तरंही दिलेली आहेत. यामधून पोलिसांना महत्त्वाची माहिती मिळालीय. ‘झी न्यूज’ने यासंदर्भातील वृत्त दिले आहे.