महाराष्ट्र २४ । विशेष प्रतिनिधी । दि . २५ एप्रिल । पिंपरी-चिंचवडः भक्ती शक्ती उड्डाणपूल ते मधुकर पवळे उड्डाणपूल ह्या ठिकाणी भुयारी मार्ग काम सुरू आहे. त्या ठिकाणी काही समाजकंटकांनी भुयारी मार्गाचे काम बंद पाडले असून, त्या संदर्भात पिंपरी चिंचवड महानगरपालिका आयुक्त यांना ईमेल करुन हे काम पुन्हा सुरू करून पालखी सोहळा सुरू होण्यापूर्वीच काम मार्गी लावावे, या मागणीचे निवेदन इमेलद्वारे सामाजिक कार्यकर्ते सचिन काळभोर यांनी महापालिका आयुक्त तथा प्रशासन शेखर सिंह यांना पाठविण्यात आले आहे. निगडी भागातील नागरिकांना रस्ता ओलांडून जाण्यासाठी येण्यासाठी मोठ्या प्रमाणावर कसरत करावी लागत होती. त्या अनुषंगाने पिंपरी-चिंचवड महानगरपालिका प्रशासनाने निगडी गावठाण ते निगडी एसबीआय बँक या ठिकाणी भुयारी मार्ग काम सुरू केले होते. त्या ठिकाणी काही समाजकंटकांनी गेल्या तीन-चार दिवसांपासून काम बंद पाडले आहे. त्या संदर्भात पिंपरी-चिंचवड महानगरपालिका प्रशासनास संत तुकाराम महाराज पालखी सोहळा सुरू होण्यापूर्वी निगडी गावठाण येथील भुयारी मार्ग काम पूर्ण करण्यात यावे. या मागणीचे निवेदन देण्यात आले आहे.
प्रतिक्रिया
मुंबई-पुणे महामार्गावर निगडी गावठाण येथील रस्ता अरुंद असून, भुयारी मार्ग काम सुरू असल्याने निगडी गावठाण या ठिकाणी वाहतूक कोंडी होत आहे. तसेच जगद्गुरु संत तुकाराम महाराज पालखी सोहळा पिंपरी चिंचवड शहरात संत तुकाराम महाराज पालखी दिनांक १२/६/२०२३ रोजी पिंपरी चिंचवड शहरात आगमन होणार असून त्या अनुषंगाने पिंपरी चिंचवड महानगरपालिका आयुक्त शेखर सिंह यांनी ताबडतोब दखल घेऊन निगडी येथील भुयारी मार्ग काम पूर्ण करण्यात यावे. ही मागणी करण्यात आली आहे
– सचिन काळभोर, सामाजिक कार्यकर्ते पिंपरी चिंचवड शहर